Schowent vf die grünen heide

Schowent vf die grünen heide wie gar wunneklich si lit seht was liehter ǒgenweide vns hat braht des meien zit doch můs ich in sorgen sin ob mich lât in sendem leide dú vil liebú frowe min

IN gesach bi minen iaren swc ich frowen han gesehen nie kein wib so wol gebaren des mv̊s ich fúr war wol iehen es ensi div mir den lib twinget vnd der sinnen varet tröste ein minnekliches wib

Solde ich ir vil rôtem munde nigen so das mich ir grůs gar von herzeleide enbvnde seht so were mir truren bůs vnd ich wolde in fröiden sin ob ich niht wan zeiner stvnde kvste ir rôtes mv́ndelin