Epigramma

Pastor (amate, Boni, Pastoris amabile nomen) Vidit arundineâ messe referta vada: Nec procul inde favos teneros & cerea regna, atque ædes vacuas florilegis apibus: Virgineâ ex cerá construxit glutine cannam, quæ septem strictis tinnit arundinibus, Basia canna tulit, dum rustica Carmina Pastor lusit, in angustâ valle quietis amans. Sit gracilis, sit arundo levis, sit sistula inanis; Non silet argutum voce animata melos. Lassus in umbrosâ formavit talia quercu verba, venenato non temeranda jocô: Dissimiles ætate pares Concordia reddit; Sic validum est junctis mentibus Ingenium.