Von sorgen wande ich ledig sin

Von sorgen wande ich ledig sin do mich dú schone alvmbe vie gehöhet wart dc herze min wan es mir schedeliche ergie do was min sorge kleine nv han ich me danne eine ich fúrhte ir si vil we nach mir als minem herzen ist nah ir dc sint zwivaltú leit die vn vnser beider herze treit

Vnder wilent mv̊s ich tragen von gedanken sendú leit als ich danne höre sagen von ir so grôsse werdekeit so wirde ich von dem mere vro si tete ǒch mir dc selbe also horte si von mir iht gv̊tes des sin wir geliches mv̊tes swc si fröit des fröiwe ich mih swc mich fröit des fröit si sich