« Las ! verray je tousjours le pere d’imposture »

Las ! verray je tousjours le pere d'imposture Roy de l'obscurité, qui la terre circuit Courant de tout costé, & rode jour & nuit Pour perdre & devorer l'humaine cretature ;

Mon plonger salement en la puante ordure Des vices impudens, & corrompant le fruit Que mon ceur repentant heureusement produit, Donner à mes pechez nouvelle nourriture ?

Encore que je sois enfant d'ire conceu O bon DIEU si m'as tu au baptesme receu Pour ton fils adoptif regeneré en grace.

Doncque permettras tu que le diable effronté D'une eternelle mort mortellement defface Ceux que tu as de mort par ta mort rachepté ?