Quanta Sit Vis Amoris In Faustina

Inter se potuit sanctos committere Patres Faustina, usque adeo forma superba fuit.

Et quisquam juvenes furiis miratur iisdem Accendi, et sævo bella parare viro?

Qui talem, heu facinus, claustris cohibere puellam Sustinet, et nostras despicit usque minas.

Sola decennali fuit hæc repetenda duello, Debuit hanc solus nam rapuisse Paris.