Die Hauensteiner Bauernhochzeit

Ein Schulmeister tritt auf mit den Hochzeitleuten und spricht:

An das Gefolge: Iez stelletich! – du doher, hani gseit! Und du dört mit dim große Dreispitz links! Und neig si ieds, und betet lisli no!

An die Großherzogin: Do bringi, liebi gnädigi Fürste Frau, ne ganzi Hochzit usem Hauestei vo Herischwand. Vor vierzeh’ Johre hen sie alle ’s A, B, C no bi mer g’lert und treui Fürsteliebe. – Der do het scho in der Schuel gern ’s Marianli gseh, und Töpli g’hobe für ’s. Drum, d’Liebe het kei Zit. Iez endli vor Micheli-Tag hen’s d’Väter us g’macht. – Loset, hani gseit, lönts mittem Chilchgang, mittem Freudesprung no Zit ha bis zuem heilige Stephanstag! Mer göhn go Carlisrueh! Wer weiß, es macht der liebe Fürstinn au ne chleini Freud. Sie isch io au zue üs cho. – Großi Freud isch ’s gsi im Land. – O, gnädige Fürste-Frau, mer chönnes nie vergesse. D’Muetter seit’s im Chindli uffem Schoß, und ’s Chindli lacht und zuckt vor Freude. Dankich Gott der Her für Eui Liebi, und was Euer Herz erfreue mag, das gebich Gott! – ’s erfreut viel tausig tausig Herze. – Uiser eis cha’s nit so sagen, au ne Schuel-Her nit. – ’s isch viel g’seit. – Bring der lieb Gott gesund und froh bald wieder üse Heren in sein Schloß, und segne seine Kronen und sein Haus auf späte Zit! – Sin Eui Chinder brav? ’s gröst wird iez bald in d’Schuel go, denki wohl. Erhalt Gott ihri Bäckeli frisch und roth, und schenkene de Muetter chöstlig Herz und bald e Brüederli. – Iez weihet au mi Pärli do mit Euem liebe Blick, und chömmet, wenn der Maie wieder grüent, und Bluest zue neui Freude-Chränze bringt, au wieder ufe! – ’s g’rothet Frucht und Wi nit, biß der wieder in der Nöchi sind, und Sege bringet, wie im Johrgang Oelf. ’s isch Sege, wo der sind. –

An die Braut: Iez, Marian, Gang, gieb ’s Papierli umme! Bisch nit schüch! (indem sie bereits vor der Großherzin steht und sich von selbst neigt) und neig di zimpfer! Zeig!