Owr the Bogie

I Will awa wi my love, I will awa wi her, Tho a my kin had sworn aud said, I'll owr the Bogie wi her. If I can get but her consent, I dinna care a strae; Tho ilka ane be discontent Awa wi her I'll gae. I will awa, &c.

For now she's mistress of my heart, And wordy of my hand, And weil I wat we shanna part For siller or for land. Let rakes delyte to swear and drink, And beaus admire fine lace; But my chief pleasure is to blink On Betty's bonny face. I wil awa, &c.

There a the beauties do combine Of colour, traits, and air; The saul that sparkles in her een Makes her a jewel rare. Her flowing wit gives shining life To a her other charms; How blest I'll be when she's my wife, And lockt up in my arms! I will awa, &c.

There blythly would I rant and sing While o'er her sweets I range; I'll cry Your humble servant, king! Shame fa them that wad change A kiss of Betty, and a smile, Abeet ye wad lay down The right ye hae to Britain's isle, And offer me your crown. I will awa, &c.