SIR HUGH; OR, THE JEW's DAUGHTER

The bonnie boys o merry Lincoln War playin at the ba; And wi them stude the sweet Sir Hugh, The flower amang them a.

He kepped the ba there wi his foot, And catchd it wi his knie, Till in at the cruel Jew's window Wi speid he gard it flie.

'Cast out the ba to me, fair maid, 'Cast out the ba to me:'— "Ye neir sall hae't my bonnie Sir Hugh, "Till ye come up to me.

"Cum up sweet Hugh, cum up dear Hugh "Cum up and get the ba;" 'I winna cum up, I winna cum up 'Without my playferes a.'

And she has gane to her father's garden Sae fast as she cold rin; And powd an apple red and white To wyle the young thing in.

She wyld him sune through ae chamber, And wyld him sune throuch twa; And neist they cam to her ain chamber, The fairest o them a.

She has laid him on a dressin board, Whar she was usd to dine; And stack a penknife to his heart, And dress'd him like a swine.

She row'd him in a cake o lead, And bade him lye and sleip; Syne threw him in the Jew's draw-well, Fu fifty fathom deip.

Whan bells were rung, and mass was sung, And ilka lady gaed hame; Than ilka lady had her young son, But lady Helen had nane.

She row'd her mantel her about, And sair sair can she weip; She ran wi speid to the Jew's castel, When a war fast asleip.

'My bonnie Sir Hugh, your mither calls, 'I pray thee to her speik:' "O lady rin to the deip draw-well "Gin ye your son wad seik."

Lady Helen ran to the deip draw-well, And kneel'd upon her knie; 'My bonnie Sir Hugh gin ye be here, 'I pray ye speik to me;'

"The lead is wondrous heavy mither, "The well is wondrous deip; "A kene penknife sticks in my heart, "A word I dounae speik.

"Gae hame, gae hame, my mither deir, "Fetch me my winding sheet; "For again in merry Lincoln toun "We twa sall never meit."