Des argen ore mvͤsse sin verwâssen vnd verduͤmet

Des argen ore mvͤsse sin verwâssen vnd verduͤmet· dc niht wil hoͤren da man tvgenderiche lúte ruͤmet· swa dú reb sich bluͤmet· da flúhet dc gewúrme dan· des wines blvͤte mag es niht gedrehen noch geliden· also mv̊s erenblôsser schalk der vromen lob vermiden· wan der boͤse niden· wil iemer tvgenderichen man· bernder miltekeite bluͤte kargen herren gar bevilt· tvgende spúrt er sam dc wilt· ein nasewiser drake· doch mestet sich mit ir vngerne sines herzen bagge· des flúhet er des milten lob als ein pantier der trake· der von sinen smake· sin leben niht gevristen kan·