Marke dv versink

Marke dv versink din lant ist vneben ich vnd manig flemink mv̊s hie vnsanfte leben der da heime wol tútschú büchel las der mv̊s riten vmbe fůter vnd gras in rúwet sere dc er da heime niht en was

Bischof eberhart nv rume es hie dc dirs vergelte got ein wib ich heime lie dú ist ein törschú krot die vberret vil lihte ein ander man ia garnet si es verhenget sin ir an vnd rúwet mih dc ich si ie gewan

Dis ist ein reinú vart die wir gegen beiern tůn bischof eberhart nv si ein stetú sv̊n sit ich der marke den rugge han gekert des bat ich got nv hat er mich sin gewert das vngemach trǒmte miner matzen vert