Je vous aime, je vous désire

Je vous aime, je vous désir, Je vous vueil doubter et servir ; Je suis vostre où que je soye, Je ne puis sans vous avoir joye, Je puis par vous vivre et mourir.

Oncques si fort ne vous aymay, Oncques tant ne vous desiray De tout entier le cuer de moy.

Vostre servant suy et seray. Jamais aultre ne serviray Je le vous jure par ma foy.

Loial amour me fait sentir, En penser et en souvenir, Vostre beaulté que je verroye Moult voluntier, se je savoye Que se fust bien vostre plaisir.

Je vous aime, je vous désir, Je vous vueil doubter et servir, Je suis vostre où que je soye. Je ne puis sans vous avoir joye, Je puis par vous vivre et mourir.