Ich wande dc ich iarlang hete

Ich wande dc ich iarlang hete vf gegeben der minnen teil min gemv̊te dc wc stete nv hat mich ein gros vnheil also minneklich bestanden dv́ liebe dú hat mich in banden gebvnden wol an tvsend seil

Min ǒgen dv́ hant mich verleitet vnd verraten dc ist war min herze dc hat sich gebreitet âne minen dank so wil es dar zv̊ der minneklichen reinen mit der wil es sich vereinen beide stille vnd offenbar

Mir beschach bi minen stunden nie so seneliche not ich trage heimliche wunden die slůg ir mvnt so rot dú liebe wont mir in dem sinne mis herzen trut min keiserinne wirt si mir niht so bin ich tot