Hoh alsam dú svnne stet dc herze min

Hoh alsam dú svnne stet dc herze min dc kvmt vō einer frowē dú kan stete sin ir genade swa si si si machet mich vor allem leide fri

Ich han ir niht ze gebenne wā min selbes lib derst ir eigen dike mir dú schone git fröide vn̄ eine hohē mv̊t swāne ich daran gedenke wie si mir tůt

Wol mich des das ich si ie so stete vant zwa si wonet dú eine liebet mir dc lant für si vber den wildē se dar für ich hin mir ist nach ir so we

Het ich tusent māne sin dc were wol dc ich si behielte der ich dienen sol schone vn̄ wol si dc bewar dc mir vō ir niht leides wider var

Ich enwart nie rehte selig wan vō ir swes ich ir gewúnschen kan des gan si mir seleklich es mir ergie do dú schone mich in ir genade vie