Here's His Health In Water.

Tune—"The job of journey-work." Altho' my back be at the wa', An' tho' he be the fautor; Altho' my back be at the wa', Yet here's his health in water! O! wae gae by his wanton sides, Sae brawlie he could flatter; Till for his sake I'm slighted sair, And dree the kintra clatter. But tho' my back be at the wa', And tho' he be the fautor; But tho' my back be at the wa', Yet here's his health in water!