She's Hoy'd Me Out o' Lauderdale

There liv'd a lady in Lauderdale, She lo'ed a fiddler fine; She lo'ed him in her chamber, She held him in her mind; She made his bed at her bed-stock. She said he was her brither; But she's hoy'd him out o' Lauderdale, His fiddle and a' thegither.

First when I cam' to Lauderdale, I had a fiddle gude. My sounding-pin stood lie the aik That grows in Lauder wood; But now my sounding-pin's gaen down, And tint the foot for ever; She's hoy'd me out o' Lauderdale, My fiddle and a' thegither.

First when I cam' to Lauderdale, Your ladyship can declare, I play'd a bow, a noble bow. As e'er was strung wi' hair: But dow'na do's come o'er me now. And your ladyship winna consider; She's hoy'd me out o' Lauderdale, My fiddle and a' thegither.