English poem
The Banks O' Doon. (Second Version.)
by Robert Burns
Tune - "Caledonian Hunt's Delight." I. Ye banks and braes o' bonnie Doon, How can ye bloom sae fresh and fair; How can ye chant, ye little birds, And I sae weary, fu' o' care! Thou'lt break my heart, thou warbling bird, That wantons thro' the flowering thorn: Thou minds me o' departed joys, Departed, never to return! II. Aft hae I rov'd by bonnie Doon, To see the rose and woodbine twine; And ilka bird sang o' its luve, And fondly sae did I o' mine. Wi' lightsome heart I pu'd a rose, Fu' sweet upon its thorny tree; And my fause luver stole my rose, But, ah! he left the thorn wi' me.
More by Robert Burns
- The American War. - A Fragment.
- The Auld Farmer's - New-Year Morning Salutation To His Auld Mare Maggie, On Giving Her The Accustomed Ripp Of Corn To Hansel In The New Year
- The Author's Earnest Cry And Prayer To The Scotch Representatives In The House Of Commons.
- The Bairns Gat Out.
- The Banks of Doon
- The Banks Of Doon. (First Version.)
- The Banks Of Nith.
- The Banks Of The Devon.