Ra bela ampezana

Ra bela anpetzana.

Ci elo là ke tanto skiza Inze fora par stradon? N’Anpetzana ra se stiza, Se kurios nos se mostron. Cie na siesta! Io son pizo A si pede – ma pardis! Ke par esse el so noizo Darae mezo el paradis. R’a ki ocie lustre, more, I te brusha pi del sol. Ra se ciapa dute i kuore; Alabastro l e el so kol! Le kel vis ke duto quanto L e na festa de kolor, El naseto l e un inkanto, Proprio denio del pitor. Ki pomete ei mo biei? De natura l e kel ros; Kome l ebano i ciaei E l e un’ arpa ra so osh. Se i so labre ra daverse E ra mostra i so dentis, O, senz’autro ra desquerse Duto quanto un paradis! A ra un estro? R’e na ruosa Io vel digo in verità: Kel ke ciapa kera tosa Na fortuna ciaparà.