AN INSCRIPTION To the Memory of the late Dr. TOBIAS SMOLLET

Hic ossa conduntur Tobiae Smollet, Scoti; Qui, prosapia generosa et antiqua natus, Priscae virtutis exemplar emicuit; Aspectu ingenuo, Corpore valido, Pectore animoso, Indole apprime benigna, Et fere supra facultates munifica, Insignis. Ingenio feraci, faceto, versatili, Omnigenae fere doctrinae mire capaci, Varia fabularum dulcedine Vitam moresque hominum, Ubertate summa ludens, depinxit. Adverso, interim, nefas! tali tantoque alumno, Nisi quo satyrae opipare supplebat, Seculo impio, ignavo, fatuo, Quo musae vix nisi nothae Mecaenatulis Britannicis Fovebantur. In memoriam Optimi et amabilis omnino viri, Permultis amicis desiderati, Hocce marmor, Dilectissima simul et amantissima conjux L. M. Sacravit.