Ein wib mag wol erlǒben mir

EIn wib mag wol erlǒben mir dc ich ir neme mit trúwen war ich ger mir wart ǒch nie div gir verhabet min ǒge swingen dar wie bin ich svs von iulen slaht si siht min herze in vinster naht

Si treit den helflichen grv̊s der mich an fröiden richen mag dar vf ich iemer dienen mv̊s vil lihte erschinet noch der tag dc man mir mv̊s fröiden iehen noch grosser wunder ist geschehen

Nv seht wc ein storche seten schade noh minre schaden habent min dv́ wib ir has ich vngerne vf mich lade dú nv den schuldehaften lib gegen mir treit dc laze ich sin ich wil nv pflegen der zúhte min