Le temps n’est qu’un instant

Le temps n’est qu’vn instant lequel tousiours se change, Le temps n’est qu’vn instant lequel dure tousiours, Il dure en se changeant sans auoir ans ny iours, Puis que ce n’est qu’vn poinct, mais vn Prothee estrãge : Le passé n’est plus rien, que la Mort qui se vange De ne pouuoir du temps entrerompre le cours, L’aduenir n’ha point d’estre, & par mille destours Va, finet, deceuant quiconque à luy se range : Que si le temps plus long n’est autre qu’vn instant, A quoy vous sert, mortels, de vouloir viure tant, Sinon pour d’vn instant allonger vostre vie ? Qu’entreprenez-vous donc par vos si longs apprests ? Nature en vn instant n’ha ses miracles prests, Dieu seul pour vous sauuer d’vn seul instãt vous prie.