Cuer desirrous apaie

Cuers désirous apaie Douçours et confors : Et je d’amours veaie Sui en baisant mors. S’encor ne m’est autres donés, Mar fui onques de li privés ! A morir sui livré, Sé trop le me delaie.

Premier baisier est plaie D’amours : en mon cors; MouM’angoisse et esmaie, Si ne pert défors. Hélas ! pour quoi m’en sui vantés, Quant ne m’en puet venir santés, Si ce, dont sui navrés Ma bouche ne rassaie.

Amours, vous me féistes Mon fin cuer trichier, Que tel savour méistes En son doux baisier. A morir li avez apris, Sé plus n’i prend qu’il n’i a pris, Dont m’est il bien avis Qu’en baisant me traïstes.

Certes, molt m’atraisistes Juène à cel mestier, N’aina nului n’i vausistes Fors moi ingénier. Je suis le plus loiaua amis, Qui oncques fust ; nus bien meris ! Hélas! tant ai je pis. Amours, mar me nourristes.

Sé je Dieu tant amasse Com je fais celi Qui si me painne et lasse, J’eusse ja merci. Qu’ains amis de meillour voloir Ne l’a servi pour joie avoir, Com j’ai fair tout pour voir Sans mérite et sans grasse.

Sé de faus cuer proiasse, Dont je ne la pri, Espoir je recouvrasse, Mès n’est mie einsi. Ne ja Diex ne me doint voloir De li déçoivre sans doloir. Ce me tient en espoir Qu’amours blesse et repasse.