Lxviii

Comment d'un rasoir Faux-Semblant, Et non d'un glaive, prestement Coupe la langue à Malebouche Qui tombe mort comme une souche.

L'Auteur.

Lors Malebouche se baissa, A deux genoux se confessa

Car verais repentans ja iert, 12939. Et cil par la gorge l'aiert, A deus poins l'estraint, si l'estrangle Si li a toluë la jangle; La langue à son rasoer li oste. Ainsinc chevirent de lor oste, Ne l'ont autrement enossé, Puis le tumbent en ung fossé; Sans deffense la porte quassent, Quassée l'ont, outre s'en passent. Si troverent leans dormans Trestous les sodoiers Normans, Tant orent béu à guersai. Du vin que ge pas ne versai: Eus méismes l'orent versé Tant que tuit furent enversé: Ivres et dormans les estranglent, Jà ne seront mès tex qu'il janglent.