Lxxxvii

Comment les messagiers de l'ost D'Amours, chascun de cuers devost, Vindrent à Venus, pour secours Avoir en l'ost au dieu d'Amours.

De l'ost se partent li message Qui tant ont erré comme sage, Qu'il sunt à Citeron venu: Là sunt à grant honor tenu. Citeron est une montaigne Dedens ung bois en une plaigne, Si haute, que nule arbaleste, Tant soit fort ne de traire preste, N'i trairoit ne bojon, ne vire. Venus qui les dames espire, Fist là son principal manoir, Principaument volt là manoir; Mès se tout l'estre descrivoie, Espoir trop vous ennoieroie, Et si me porroie lasser, Pour ce m'en voil briefment passer. Venus s'iert où bois devalée Por chacier en une valée: Li biaus Adonis ert o li, Ses douz amis au cuer joli; Ung petitet ert enfantis, A chacier où bois ententis.

Comme le soir fait une armée 16493. Qui, luttant toute la journée, N'a pu l'ennemi surmonter, Pour mieux ensuite le dompter.