Dvchesse D’Estempes

Dame, si vous suis importun, Cela ne me part d’auarice: Ie ne demande bien aulcun, Office soit ou benefice. Seulement vne heure propice Ie vous pry de faire sonner, Où il plaise au ROY me donner En ses pays liberté seure; Car ie ne quiers aultre demeure, Et m’est bien grief quand i’en desloge. Helas! faictes sonner telle heure, Puisque vous gouuernez l’horloge.