L'ucarina

Me fiol al gh'ía traspòrt per fa 'l pitur, e 'l ga n'ía per la müsica altretant, unde, o 'l ma scarbuciáa töcc i mür o 'l sa diertía a suná o a fá 'l cantant.

Sebé tanc an gh'è 'ndát da che l'è mòrt, cunsèrve amó da lü 'na fügürina pütürada dadré d'un antipòrt, che, a me giüdesse, la ma par belína.

Per sudisfá 'l sò desidére, 'n dé l'á urít che ga cumprès an ucarína: ma 'l s'è malát... e l'è restada lé.

E 'nco me vo amó a scúndem an cantina, (per nu fam sent) e sune da per méù e pianse e strense al cor che l'ucarina.