« Quant l’homme vient à naistre incontinant il pleure »

Quant l’homme vient à naistre incontinant il pleure, Mais la premiere fois que de soy-mesme il sort Par un ris gracieus, Fauche, cest quand il dort; Et ne dure sa joye à grand peine un quart d'heure

Las ! si quelque bon-heur au monde nous bien-heure C'est seulement en songe, au contraire le sort Et veillant & dormant, nous importune & mort, Et le bien seulement en ombre nous demeure.

Encore vers le ciel nous pouvons nous lancer A la terre adonnez ny l'œil ny le penser, Ny mesme imaginer quelle est nostre misere

Jusque à tant que la mort de son trait desastreus Engrave dans nos ceurs que le sepulchre ombreus Venge sur nous l'erreur de nostre premier pere.