Ewbuchts Marion

Will ye gae to the eubuchts, Marion, And wear in the sheip wi mee? The sun shines sweit, my Marion, But not half sae sweit as thee. O Marion's a bonnie lass, And the blyth blinks in her ee; And fain wad I marrie Marion, Gin Marion wad marrie mee.

Their's gowd in your garters, Marion, And filler on your white hause-bane; Fou faine wad I kisse my Marion At ene quhan I cum hame. Thereis braw lads in Earnshaw, Marion, Quha gap and glowr wi their ee, At kirk quhan they see my Marion; Bot nane of tham lues like mee.

I've nine milk ews, my Marion, A cow, and a brawny quay; Ise gie them a to my Marion Upon her bridal day. And yee's get a green sey apron, And waistcote o London broun; And wow but ye will be vapering Quhaneer ye gang to the town.

I'm young and stout, my Marion, Nane dance like me on the greene; And gin ye forsak me, Marion, Ise een gae draw up wi Jeane. Sae put on your pearlins, Marion, And kirtle o cramasie; And sune as my chin has na haire on I sall cum west and see yee.