VI. (The gypsies came to our good lord's…)

The gypsies came to our good lord's gate; And vow but they sang sweetly! Our lady came doun the music to hear, They sang sae very completely.

And she came tripping down the stair, And a her maids before her; As soon as they saw her weil-fared face, They coost the glamer our her.

Gae tak frae me this gay mantile, And bring to me a plaidie; For, if kith and kin and a had sworn, I'll follow the gypsie laddie.

Yestreen I lay in a weel-made bed, And my good lord beside me; This night I'll ly in a tenant's barn, Whatever shall betide me.

Oh come to your bed, says Johnie Fa, Oh come to your bed my dearie; For I vow and swear by the hilt of my sword, Your lord shall nae mair come near ye.

I'll go to bed to my Johnie Fa, I'll go to bed to my dearie; For I vow and swear by what past yestreen, My lord shall nae mair come near me.

And when our lord came hame at een And speird for his fair lady, The tane she cry'd, and the ither reply'd, She's awa wi the gypsie laddie.

Gae saddle to me the black black steed, Gae saddle and mak him ready; Before that I either eat or sleep I'll gae and seek my fair lady.

And we were fifteen well-made men, Of courage stout and steady; And we were a put doun, but ane, For a fair young wanton lady.