English poem
XIV. the Earl of Murray
by John Pinkerton (1845–1908)
Ye Hielands and ye Lawlands O whar hae ye been? They have slain the Earl of Murray And laid him on the green!
'Now wae be to you Huntly! 'O wharfore did ye sae? 'I bad you bring him wi you; 'But forbad you him to slay.'
He was a bra galant, And he rid at the ring; The bonnie Earl of Murray He micht ha been a king.
He was a bra galant, And he playd at the ba; The bonnie Earl of Murray Was the flower amang them a.
He was a bra galant, And he playd at the gluve; The bonnie Earl of Murray He was the queen's luve.
O lang will his lady Look owr the castle downe, Ere she see the Earl of Murray Cum sounding throuch the toun!