German poem
Der Holzknecht
by Karl Stieler (1842–1885)
Aber heunt is a Tag Und da schaugst Dir nit gnua; Wier i ’naus bin in Wald Um a Drei in der Fruah!
Die Sunna und d’ Vögei’n – Dös glanzt und dös schreit; Ja mei’, in der Fruah Hat der Tag halt a Freud.
Und werd’s nachher Zwölfe, Kimmt’s Weibei daher; Und bringt mir mein Buabn – Ja, was willst denn no’(ch) mehr?
„Jetzt krieg’n ma a Suppen, Du Fretter, Du kloaner! Gel’, d’ Holzknecht’, die g’falln Dir Werst aar amal oaner!“
Müd werd ma wohl ofl – Aber na moan’ i schier, Wenn i Enk wieder siech’: Daß i gar nix mehr g’spür!
Karl Stieler.