Der karge riche vert von hus

Der karge riche vert von hus in purpur vnd in býsse des wenet er dc er niht misse glanzer werdekeit dvr sin liehteberndes kleit son hilfet wat fúr laster niht er buwet als ein fledermvs der schanden vinsternisse dú nahtes flúget vil gewisse da man hat geleit ein fv̂len ronen breit den si fúr liehten glanz ersiht so nimt dv́ tvmbe krumbe· trúwe fúr waren schin ir geliche mac wol sin der karge tvgende blôsse der wenet dc ich im genosse lop schone vnd fin nein er hat alsam ein swin zetrüber schanden pfůlle pfliht