Genúhtig man an ſippeſchefte pꝛuͤue· in dem ſinne

Genúhtig man an ſippeſchefte pꝛuͤue· in dem ſinne· wie din getrúwer dieneſt vn̄ din lúterliche mīne· frunde genv̊g gewinne· die zv̊ dir in der noͤte traben· ein trut geſelle iſt beſſer danne vil vnholder mâge· da vō dv flîſſeklichē deſ mit dinē dienſte lage· d̾ ſich bi dir wage· ſo dich die ſoꝛge alvmbe grabē· ob er ſi gereinet dir ſo luter im ǒch dinen ſin· ſo dc dv dich wider in· voꝛ allem meine ſchvmeſt· dē frúnt dv lange ſv̊cheſt e dv zim dē wer gerumeſt· er wirt vnſanfte fvndē vn̄ behaltē aller kvmeſt· helfe dv v̾ſvmeſt· wilt dv niht gv̊tē frúnt behabē·