German poem
Mir ist ein loser hoveschalk· als ein kobolt von buhse
Mir ist ein loser hoveschalk· als ein kobolt von buhse· ia wahset ein vnkústig wilt von wolf vnd ǒch von vuhse· dc sich zeinem luhse· kan bilden schiere vnd alzehant· dc selbe tier vnfrúhtig ist von arte es niht enkindet· we dc der vngetrúwe alsam niht an geburt erwindet· swa dú schande bindet man vnd wib sere in ir bant· da wolte ich dc an ir svn erwunde ir beider kúnne gar· ob er neme ir sittes war· vnd vf ir spor hie trete· so were es wol dc sin geburt an ir den bresten hete· da von im keme niemer kint dc im geliche tete· so zergienge vnstete· dú valschen herzen ist bekant·
More by Konrad von Würzburg
- Milte zieret edeln mv̊t
- Milte zieret edeln mv̊t
- Minen mv̊t
- Mir ist als ich niht lebende si swenne ich entnvke sere
- Mir iſt als ich niht lebēde ſi ſwēne ich entnvke ſere
- Mir iſt ein loſer hoveſchalk· als ein kobolt vō buhſe
- Schǒwent wie dú heide sich enpferwet
- Svmer hīnen kere· mit ſere· ſin ere· ſwachē will