Wie sol ich richen edelen schalk mit valschen mv̊t erweschen

Wie sol ich richen edelen schalk mit valschen mv̊t erweschen· von kvpfer scheidet man das golt mit eines vnkes æschen· hei dc miner taschen vil nah ein puluer nie gelag· da mit ich gvldin adel schiede vs kupferinem willen· we dc ein iderslange mag dvr herten cokodrillen· vnd dc niht gebillen· min zvnge in arge sinne mag· swas ich singe alder ich gesage der valschen richen edelen schar· des nimet si zekleine war· ir mv̊t also vereinet· an trúwen vnd an eren ist dc si niht tvgende meinet· in korne wart ein kv́ndig wahtel nie so sanfte erbeinet· als ir herze ersteinet· in schanden ist naht vnd tag·