Willekomen si dú zit

Willekomen si dú zit vil wunneklich dú mit gelfen kleiden hat gezieret anger vn plan heide in liehter varwe lit si gestet sich mit rilicher svmer wat wan siht den walt gelǒbet stan da dú liebe nahtegal ir sanc lute dönet sunder wunderlicher stimme klanc erhillet da blv̊men rot gel vnd bla siht man durh grünes gras vf gan

Fröiwe sich ein selig man der minnen krenket aber als ê lieb nach liebe liebes gan von herzen wol vnd swendet sinú leit alsam dú svnne kalten sne swa des liehten meien blv̊t durh dv́ spilnden ǒgen tǒgen lachet in den mv̊t da geilent wib minnegernder manne lip alsam dc tǒ den grünen kle