English poem
Mahele-Hele Ii
by Nathaniel Bright Emerson (1839–1915)
Hi’u-o-lani, kii ka ua o Hilo i ka lani; Ke hookiikii mai la ke ao o Pua-lani; O mahele ana, pulu Hilo i ka ua— O Hilo Hana-kahi.
Ha’i ka nalu, wai kaka lepo o Pii-lani; Hai’na ka iwi o Hilo, I ke ku ia e ka wai. Oni’o lele a ka ua o Hilo i ka lani.
Ke hookiikii mai la ke ao o Pua-lani, Ke holuholu a’e la e puka, Puka e nana ke kiki a ka ua, Ka nonoho a ka ua i ka hale o Hilo.
Like Hilo me Puna ke ku a mauna-ole He ole ke ku a mauna Hilo me Puna. He kowa Puna mawaena Hilo me Ka-ú; Ke pili wale la i ke kua i mauna-ole; Pili hoohaha i ke kua o Mauna-loa.
He kuahiwi Ka-ú e pa ka makani. Ke alai ia a’e la Ka-ú e ke A’e; Ka-u ku ke ehu lepo ke A’e; Ku ke ehu-lepo mai la Ka-ú i ka makani. Makani Kawa hu’a-lepo Ka-ú i ke A’e.
Kahiko mau no o Ka-ú i ka makani. Makani ka Lae-ka-ilio i Unu-lau, Kaili-ki’i a ka lua a Kaheahea, I ka ha’a nawali ia ino.
Ino wa o ka mankani o Kau-ná. Nana aku o ka makani malaila! O Hono-malino, malino i ka la’i o Kona. He inoa la!
[Translation.]