Pauku 3

(Ko’i-honua)

Pakú Kea-au, lulu Wai-akea; Noho i ka la’i loa o Hana-kahi, O Hilo, i olokea ia, i au la, e, i kai, O Lele-iwi, o Maka-hana-loa. Me he kaele-papa la Hilo, i lalo ka noho. Kaele wale Hilo i ke alai ia e ka ua. Oi ka niho o ka ua o Hilo i ka lani; Kua-wa’a-wa’a Hilo eli ’a e ka wai; Kai-koo, haki na nalu, ka ua o Hilo; Ha’i lau-wili mai ka nahele. Nanalu, kahe waikahe o Wai-luku; Hohonu Waiau, nalo ke poo o ka lae o Moku-pane; Wai ulaula o Wai-anue-nue; Ka-wowo nui i ka wai o Kolo-pule-pule; Halulu i ha-ku’i, ku me he uahi la Ka puá, o ka wai ua o-aka i ka lani. Eleele Hilo e, pano e, i ka ua; Okakala ka hulu o Hilo i ke anu; Pili-kau mai Hilo ia ua loa. Pali-ku laau ka uka o Haili Ka lae ohi’a e kope-kope, Me he aha moa la, ka pale pa laau, Ka nahele o Pa-ie-ie, Ku’u po’e lehua iwaena konu o Mo-kau-lele; Me ka ha’i laau i pu-kaula hala’i i ka ua. Ke nana ia la e la’i i Hanakahi. Oni aku Hilo, oni ku’u kai lipo-lipo, A Lele-iwi, ku’u kai ahu mimiki a ka Malua. Lei kahiko, lei nalu ka poai. Nana Pu’u-eo e! makai ka iwi-honua, e! Puna-hoa la, ino, ku, ku wau a Wai-akea la.

[Translation.]