Ce jour de May, qui a la teste peinte

Ce jour de May, qui a la teste peinte D’une gaillarde et gentille verdeur, Ne doit passer sans que ma vive ardeur Par vostre grâce un peu ne soit estainte. De vostre part si vous estes attainte Autant que moy d’amoureuse langueur, D’un feu pareil soulageons nostre cœur. » Qui aime bien, ne doit point avoir crainte. Le temps s’enfuit, ce pendant ce beau jour Nous doit apprendre à démener l’amour, Et le pigeon qui sa femelle baise. Baisez moi donc, et faisons tout ainsi Que les oiseaux, sans nous donner soucy : Apres la mort on ne voit rien qui plaise.