Je voudrois estre Ixion et Tantale

Je voudrois estre Ixion et Tantale, Dessus la roue, et dans les eaux là bas : Et nud à nud presser entre mes bras Ceste beauté qui les anges égale. S’ainsin estoit, toute peine fatale Me seroit douce, et ne me chaudroit pas, Non d’un vautour fussay-je le repas, Non, qui le roc remonte et redevale. Voir ou toucher le rond de son tetin l’oiirroit changer mon amoureux destin Aux ma j estez des Princes de l’Asie : Un demy-dieu me feroit son baiser, Et dans son sein mon feu desembraser, Un de ces Dieux qui mangent l’Ambrosie.