Nach frowen schöne nieman sol

Nach frowen schöne nieman sol ze vil gefragen sint sie gv̊t er lâsse si im gevallen wol vnd wisse dc er rehte tůt wc ob ein varwe wandel hat der doch der mv̊t vil hohe stat er ist ein vngefüge man der des an wiben niht erkennen kan

Ich tůn ein scheiden dc mir nie von deheinem dinge wart so we vil gv̊te frúnde lasse ich hie nv wil ich truren iemerme die wile vnd ich si frömden mv̊s von der mir tête ein grůs noch sanfter an den herzen min danne ob ich ze rome keiser solte sin

Ich gerte ie wunneklicher tage vns wil ein schöner svmer komen al deste senfter ist min klage der vogele han ich vil vernomen der grüne walt mit lǒbe stat ein wib mich des getröstet hat dc ich der zit geniessen sol nv bin ich hohes mv̊tes dc ist wol

Ich horte gerne ein vogellin dc húbe wunneklichen sank der winter kan niht anders sin wan swere vnd ane mâsse lanc mir were lib wolt er zergan was gůter fröide ich vf den svmer han dar gestůnt nie hoher mir der mv̊t dc ist ein zit dú minen ǒgen sanfte tůt