Kv́ng h̾re hoch gelopter got· waſ dv vermacht

Kv́ng h̾re hoch gelopter got· waſ dv vermacht· dv lúchteſt mit dem tage vn̄ finſterſt mit d̾ nacht· da vō dv́ welt vil froͤide vn̄ růwe hat kv́ng all̾ eren dir noch nie gebꝛaſt wie den tag dv ziereſt mit der ſvnnen glaſt· vn̄ ǒch dv́ nacht dinſ manen liecht wol ſtat· dv bernſt himel mit den ſtern· din ſchōheit iem̾ mag gewern· dv haſt ze gebē gabe vil der nicht zer gat·

IRs man kron iſt das vil reine wip· iem̾ in wol eret ir wol werd̾ lip· er ſelig man dem dv́ gůte ſi beſchert· der mag ſvnd̾ zwiuel· mit ir ſin iar· willeklich ver triben· ſtille vn̄ offenbar· er ſich mit ir ſv́nden vn̄ ſchanden wert· mit hoh̾ ſtet iſt ſi bedacht· ir liecht ſv́r loͤſchet nit in nacht· ir hohes lop mit der meiſte menge vêrt·