Drei Gastliche Höfe

Die wîle ich weiz drî hove sô lobelîcher manne, sô ist mîn wîn gelesen unde sûset wol mîn pfanne. der biderbe patriarche missewende frî der ist ir einer, so ist mîn hövescher trôst zehant dâ bî Liupolt, zwir ein fürste, Stîre und Ôsterrîche. niemen lept, den ich zuo deme gelîche: sîn lop ist niht ein lobelîn: er mac, er hât, er tuot. sô ist sîn veter als der milte Welf gemuot: des lop was ganz, ez ist nâch tôde guot. mir'st vil unnôt, daz ich durch handelunge iht verre strîche.