Göttliche Botschaft

Hêr keiser, ich bin frônebote und bringe iu boteschaft von gote: ir habt die erde, er hât daz himelrîche. er hiez iu klagen (ir sît sîn voget), in sînes sunes lande broget diu heidenschaft iu beiden lasterlîche. ir muget im gerne rihten. sîn sun, der ist geheizen Krist, er hiez iu sagen, wie er'z verschulden welle (nû lât in zuo z'iu pflihten): er rihte iu dâ er voget ist, klagt ir joch über den tiuvel ûz der helle.