Mvget ir schǒwē was dem meigen

Mvget ir schǒwē was dem meigen wunders ist beschert seht an pfaffen seht an leigē wie dc alles vert gros ist sin gewalt in weis ob er zǒber kv̄ne swar er vert in siner wūne dan ist nieman alt

Vns wil schiere wol gelingē wir svln sin gemeit tanzē lachē vn̄ singē ane dörperheit we wer were vnfro sit du vogellin also schone singent in ir besten done tv̊n wir ǒch also