And bereth name of Neptalym

And bereth name of Neptalym, Of Nynyve and Damaske. For when the holy kynge of hevene Sende hus sone to eerthe, Meny myracles he wroughte, Man for to turne, In ensample that men sholde See by sad reyson That men myghte nat be savede Bote thorw mercy and grace, And thorw penaunce and passioun, And parfyght byleyve; And bycam a man of a mayde, And metropolitanus And baptisede an busshoppede Whit the blode of hus herte, Alle that wilnede other wolde Whit inwhight byleyve hit. Meny seint sitthe Suffrede deth alsoo, For to enferme the faithe Ful wyde where deyden, In Inde and in Alisaundrie, In Ermanye, in Spayne; An fro mysbyleve Meny man turnede. In savacion of mannys saule Seynt Thomas of Cauntelbury Among unkynde Cristene In holy churche was sleye, And alle holy churche Honourede for that deyinge: He is a forbusur to alle busshopes, And a bryghthe myrour, And sovereynliche to alle suche That of Surrye bereth name, And nat in Engelounde to huppe aboute, And halewen men auters.