CLXVIII (Esta é dun miragre que fez…)

Esta é dun miragre que fez Santa Maria de Salas por ha moller de Lerida que lle morreron seus fillos, e o postremeiro ressucitou-llo Santa Maria, que avia tres dias que era morto.

En todo logar á poder a Virgen a quen quer valer.

Seu Fillo, Deus e om' e Rey, poder lle deu, qual vos direy, de fazer sempre ben; e sei que non lle fal end' o querer. En todo logar á poder...

De saber tan sabedor é, que ben du con seu Fillo sé dali mostra, per bõa fe, que mui longe vai seu saber. En todo logar á poder...

E dest' en Lerida mostrou un miragre, que mi contou un crerigo, que o achou escrito e mio foi trager. En todo logar á poder...

E o miragre foy assy: Ha moller morava y que seus fillos, com' aprendi, en pouco tenpo foi perder. En todo logar á poder...

Do postremeiro que morreu tan gran coita dele prendeu que a poucas ensandeceu; e fillou-ss' assi a dizer: En todo logar á poder...

«Ai, Madre de Nostro Sennor, pero eu sõo pecador, dá-m' este meu fillo mor vivo, se te jaz en prazer.» En todo logar á poder...

E dous dias o tev' enton chorando mui de coraçon, rogando con gran devoçon, atendendo seu ben fazer. En todo logar á poder...

E pois viu que non resurgiu, en un eirado o sobiu e contra Salas comediu que o yria alt' erger. En todo logar á poder...

E tan toste assi o fez, e a Reynna de gran prez ressucitou-llo dessa vez e fez-llo nos braços viver. En todo logar á poder...

E log' a moller sen tardar foy-o aas gentes mostrar, e começaron a loar a Virgen e a beizer. En todo logar á poder...