CLXXI (Como ha moller de Pedra-Salze ya…)

Como ha moller de Pedra-Salze ya con seu marido a Salas, e perderon un fillo pequeno en un rio, e foron a Salas e achárono vivo ant' o altar.

Santa Maria grandes faz miragres e saborosos, e guarda aos que lle praz de seeren perdidosos.

E desto vos quero contar un gran miragre que oý que fez a Rea sen par en Salas, e faz muitos y pera as gentes aduzer que sejan muit' aguçosos de ben en seu Fillo creer, e manssos e omildosos. Santa Maria grandes faz...

Un ome non podi' aver fillo, per quant' eu aprendi, de sa moller, e prometer foi d' ir a Salas; e des i quis Santa Maria guisar, que faz miragres fremosos, que lles foi log' un fillo dar, ond' ambos foron goyosos. Santa Maria grandes faz...

Dous anos lo foron criar; e pois moveron ben dali, seu camo foron fillar pera Salas. E ynd' assi viron un rio correr e eles foron coitosos de passar; mas foron perder o fill' os malavegosos. Santa Maria grandes faz...

Ca a madre, que o trager en un rocin y' ante ssi, con el no rio foi caer, como contaron a mi, e ouve a desanparar o fillo; e os astrosos fillaron-se muit' a chorar ambos come perdidosos. Santa Maria grandes faz...

Muito o per foron buscar pelas ribas, com' entendi, mas nono poderon achar, e tornar-se quisera d'i o padre; mas ela dizer lle foi: «Pois non preguiçosos fomos, vaamos seer a Salas desto queixosos.» Santa Maria grandes faz...

No camynno se meter foron, dizend' ela: «A ti vou, Virgen, que mi acorrer queras do fillo que perdi.» E pois chegou ao logar, con sospiros amargosos, viu seu fill' ant' o altar vivo. E muit'omildosos Santa Maria grandes faz...

Loores deu, se Deus m' anpar, aa Virgen. «Ca recebi», diss' ela, «o que demandar te fui sempr', e nunca fali; e poren querrei retraer ontr' os teus mui groriosos miragres e fazer saber este dos maravillosos.» Santa Maria grandes faz...