CLXXX (Vella e Mina)

Vella e Mina, Madr' e Donzela, Pobre e Reynna, Don' e Ancela.

Desta guisa deve Santa Maria seer loada, ca Deus lle quis dar todas estas cousas por melloria, porque lle nunca ja achassen par; e por aquesto assi a loar deviamos senpre, ca por nos vela. Vella e Mina...

Ca Vella é, segund' a profecia que Salamon foi dela profetar, que ante do mundo foi todavia criada, e que nunc' á de minguar o seu gran ben; e porend' encarnar quis Deus en ela, que todo caudela. Vella e Mina...

E tod' ome Men a devia en todo tempo per razon chamar, pois en bondade crece cada dia e en beldade, de que sse pagar foi tanto Deus, que por ela salvar deceu no mundo da sa alta sela. Vella e Mina...

Con razon nossa Madr' é que nos cria e sempre punna de mal nos guardar, e criou Deus, que a criad' avia, que foi seu Fill' e ouve de criar, que por nos foi o iferno britar e o dem' e toda ssa alcavela. Vella e Mina...

De como é Donzela, Ysaýa en sas profecias o foi mostrar, u disse que virgen conceberia e parria om' e Deus, sen dultar, o que nos fez Paraiso cobrar que perdemos per Eva a mesela. Vella e Mina...

Como foi Pobre, queno osmaria, a que seu Fillo Deus ya deitar no preseve, ca aver non podia un pano en que o envurullar senon sa touca, ca eno logar sol non acharon y h' almocela? Vella e Mina...

Por Reynna tod' ome a terria que a visse a seu Fillo levar daqueste mund', e sigo a sobia ao ceo, u ssé con el a par e guia-nos com' Estrela do Mar; poren dizemos: «Ave maris stela.» Vella e Mina...

Outra Dona seer non poderia atal com' esta, ca Deus foi juntar en ela prez e sen e cortesia e santidade, u mercee achar pode tod' ome que a demandar; e con tod' esto, nunca nos revela. Vella e Mina...

Ancela se chamou u lle dizia o angeo Gabriel que fillar Deus en ela carne d' ome verria, e como serva se foi omildar u lle disse: «Farei quant' el mandar.» E log' ali fez Deus ssa cela. Vella e Mina...

Poren lle rogo que quer' amparar a mi de mal, e Leon e Castela. Vella e Mina...