CLXXVIII (Esta é dun meno de Alcaraz…)

Esta é dun meno de Alcaraz a que seu padre dera ha muleta, e morreu-lle; e encomendou-a a Santa Maria de Salas, e levantou-sse sãa.

A que faz o ome morto resurgir sen nulla falla, ben pode fazer que viva outra morta animalla.

Desto mostrou, un miragre a Madre do Salvador, mui grande, por un meno que fillo dun lavrador era; e poi-lo oyrdes, averedes en sabor e loaredes a Virgen que senpre por nos traballa. A que faz o ome morto resorgir sen nulla falla...

Ao lavrador nacera muleta, com' aprix eu, en ssa casa, fremosa, que log' a seu fillo deu, e faagando-o muito, dizendo: «Este don teu seja daquesta muleta, e dar-te-ll-ei org' e palla.» A que faz o ome morto resorgir sen nulla falla...

O moço creeu aquesto e prougue-lle daquel don, e penssou ben da muleta quanto pude des enton; mas ha noite morreu-lle, e por aquesta razon levou o padre seu fillo por non saber nemigalla A que faz o ome morto resorgir sen nulla falla...

Ao ero u lavrava. Mas la madre, que ficou na casa, aquela mua morta logo a fillou e chamou un seu colaço e esfola-la mandou, cuidando aver do coiro cinco soldos e mealla. A que faz o ome morto resorgir sen nulla falla...

Eles en esto estando, o lavrador foi chegar do ero, e o menynno, viu ssa mua esfolar e diss' a mui grandes vozes: «Leixad' a mua estar, ca eu a dei ja a Salas, e ben tenno que me valla.» A que faz o ome morto resorgir sen nulla falla...

A muleta ja avia ambo-los pees de tras esfolados, e a madre diss' a seu fillo: «Ben ás sen de meno, que cousa morta aa Virgen dás, ca tant' é aquesto como non lle dares nemigalla.» A que faz o ome morto resorgir sen nulla falla...

Por quanto ela dizia o menyno non deu ren, mas decingeu log' cinta e a mua mediu ben, e fez estadal per ela que ardess' ant' a que ten voz ante Deus dos culpados e cono demo baralla. A que faz o ome morto resorgir sen nulla falla...

O estadal enviado, e a muleta viveo. Quand' esto viu o meno, gran prazer en recebeo e deu-ll' enton que comesse, e a muleta comeo, loando todos a Virgen, a que Deus deu avantalla A que faz o ome morto resorgir sen nulla falla...

Sobre todos outros santos. Poren roguemos-ll' atal que nos guard' en este mundo d' ocajon e d' outro mal e que nos dé eno outro a vida esperital, e que brite o diabo, que sempr' é nossa contralla. A que faz o ome morto resorgir sen nulla falla...