Lxi

Comment le dieu d'Amours retient Faulx-Semblant, qui ses homs devient, Dont ses gens sont joyeulx et baulx, Quant il le fait roy des Ribaulx.

Faus-Semblant, par tel convenant Seras à moi tout maintenant, Que tous nos amis aideras, Et que jà nul n'en greveras; Ains penseras d'eus eslevcr, Et de nos anemis grever. Tiens soit li pooirs et li baus, Tu seras mès rois des Ribaus, Ainsinc le vuet nostre chapitre. Sans faille tu es maus traïtre Et lerres trop desmesurés, Cent mile fois t'ies parjurés: Mès toutevois en audiance, Por nos gens oster de doutance, Commant-ge que tu lor enseignes, Au mains par generaus enseignes, En quel leu il te troveroient, Se du trover mestier avoient, Et comment l'en te congnoistra, Car grant sens en toi congnoistre a.

Désormais qu'il soit de ma cour. 11409. Çà qu'il s'avance.

L'Auteur.

Et l'autre accourt.